Оралдағы бес қабатты үйдің қабырғасына қазақтың үш қаһарман қызының бейнесі салынды

Әлия Молдағұлова, Мәншүк Мәметова, Хиуаз Доспанованың суреті – Жеңіс күніне тарту. Бастамаға қалалық әкімдік мұрындық болып, жас суретшіге ұсыныс айтыпты. Дарья Запрометова - Сәкен Ғұмаров атындағы көркем-сурет мектебінің түлегі. Стрит-артпен бұрыннан шұғылданып келеді. Бірақ бұл жолғы еңбегінің мән-маңызы басым. Жастар ержүрек әпкелерінің батырлығын, өрлігі мен өжеттігін біліп жүрсе екен дейді.

Дарья Запромeтова, суретші:

- Батыр қыздардың дәйекті суреттерін іздедік. Музей араладық. Оларды бейнелеген себебім - жерлестеріміз. Қазақстандық қаһарман қыздар. Қан майданда ер азаматтармен қатар жаумен соғысып, қыршын кетті. Олардың ерлігін адамдар ұмытпауы тиіс.

Ардақ МҰРАТҚЫЗЫ