Құрылтай депутаттары Қазақстан халқына үндеу жасады

Құрылтай депутаттары Қазақстан халқына үндеу жасады. Олар қазақстандықтарды Президент Жолдауында белгіленген міндеттерді жүзеге асыру жолында бірлік танытуға шақырып отыр. Мемлекет басшысы экономиканы жаңғыртуға, әлеуметтік саланы дамытуға және халықтың әл-ауқатын арттыруға басымдық берген. Сондай-ақ инфрақұрылымды түбегейлі жаңарту мен азаматтардың тұрмыс сапасын жақсарту міндеттерін айқындап берді. Ал Құрылтай Президент тапсырмаларын заңнамалық тұрғыда жүзеге асыруға атсалысады. Спикер Айбек Дәдебай үндеу барлық депутаттардың ортақ ұстанымын білдіретінін атап өтті.