СҚО-да ет экспорты артты

Солтүстік Қазақстан облысы жыл сайын 1 мың тоннадан астам сиыр етін экспортқа шығарса, 3 мың тоннасын еліміздің өзге өңірлеріне жөнелтеді. Аймақта асыл тұқымды мал фермалары құрылып, бордақылау орындарының жұмысы жанданды. Солардың бірі - Тайынша астық шаруашылығы.

Бұл жерде ірі қараның ангус, қазақтың ақ бас сиыры секілді тұқымдары өсіріледі. Қазіргі күні шаруашылықтың толық қуатын жылына 3 мың тоннаға жеткізу көзделіп отыр.

Балислав Каленский, ферма меңгерушісі:

- Бордақылау алаңы 3000 сиырға арналған. Қазір 400 бұқашық жүр, семірткесін ет комбинатына тапсырамыз. Әзірге бізден Көкшетау мен Қостанай қаласындағы фабрикалар алып жатыр етті.

 Сағындық СӘБИТҰЛЫ