Елімізде егістік алқаптарына қажетті минералды тыңайтқыштарды субсидиялау екі жылға ұзартылмақ

Биыл ауылшаруашылық жерлерін агрохимиялық зерттеу жұмыстары үшін тыңайтқыш тарату тоқтап қалған болатын. Енді шаруалардың сұранысы бойынша тыңайтқыштардың 50 пайызын мемлекет өтейді. Бұл туралы Жамбыл облысына жұмыс сапарымен барған Ауыл шаруашылығы вице-министрі Айдарбек Сапаров айтты.

Биыл елемізде 22 млн 300 мың гектар жерге дәнді дақылдар себілген. Ол алқаптарды тыңайту үшін жыл сайын 2,5 миллион тонна тыңайтқыш қажет. «Бұл сұранысты орындауға еліміздегі химия өндірісінің қауқары жеткілікті», - дейді вице-министр.

Айдарбек Сапаров, Ауыл шаруашылығы вице-министрі:

- Бір жұмадан кейін ол шешім қабылданады. Өнім сапасы да артады, оның нәтижесі де жоғары болады. Өнім кемінде 7-8 центнерге көбейеді.

Сәбит ӘЛДЕБАЙ