Ақмола облысы Зеренді ауданының әкімі қызметтік баспананы көпбалалы отбасыға берді

Бес бала тәрбиелеп отырған Ахметжановтар отбасы тұрғын үй кезегінде 10 жылдан бері тұр. Ауданда құрылыс қарқыны баяу болғандықтан, баспанаға қолы жетпеген жанұя осы уақытқа дейін пәтер жалдап келді. Енді 4 бөлмелі кең үйге көшкен Ахметжановтардың қуанышында шек жоқ.

Жалпы, Зерендіде үй кезегінде тұрған 500-ге жуық жанұя бар. Алдағы уақытта бюджет тарапынан, сондай-ақ, демеушілік көрсету арқылы баспанамен қамту жұмысы жалғаса бермек.

Гүлайым Әлімбаева, көпбалалы ана:

- Шаңырағымыз әрқашанда биік болсын. Балалар, міне, өте қуанышты. Осындай үлкен пәтер алып отырғанымызға барлықтарыңызға үлкен рахмет айтқым келеді. Өте қуаныштымын.

Ермек ЕЛБЕРГЕН