Халық үшін тиімді қызмет

Петропавлда қалалық Полиция басқармасының фронт-офисі ашылғалы 11 мыңнан астам адамға қызмет көрсетілген. Яғни, тұрғындар бұрынғыдай кабинет жағалап, табалдырық тоздырмайды. Өз сұрағы бойынша кезекке тұрып, мамандардан кеңес алады. Қажетті құжаттарын бір жерде толтырады. «Әсіресе, аңшы мылтығын тіркеу туралы сұрақтар жиі түседі»,- дейді мамандар.

Сондай-ақ, мұндай қызмет көрсету орталықтары барлық аудандардағы полиция бөлімшелерінде де ашылған.

Сағындық Теміреев, қалалық Полиция басқармасы бастығының орынбасары:

 - Анықтама алу үшін келсе, бірін-бірі күтіп отыратын. Ал, қазір келген бағытпен отырады да, қызметкерлер көп күтпеуін қамтамасыз етіп, қолайлы жағдай жасайды.

Сағындық СӘБИТҰЛЫ