Алматы облысында заманауи агробақ ашылды

Бұл жерде ғылыми тәжірибелер өткізіліп, диқандарға жаңа технологиялар таныстырылып отырады. Сондай-ақ, агробақ алқаптарында қант қызылшасы мен басқа да дақылдардың жаңа сорттары себіліп, оның өнімділігі тексерілетін болады.

Сынақ алаңының таныстырылуы барысында тұқым себудің цифрлі технологиясы шаруалардың назарына ұсынылды. Жаңа тракторлар автопилот арқылы басқарылып, заманауи сепкіштен тұқым топыраққа 2,5 сантиметр дәлдікпен түседі. 

Андрей Агеенко, жоба жетекшісі:

- Біз тек жаңа технологияларды таныстырып қана қоймаймыз. Біз шаруаға экономикалық көрсеткіштердің өсу деңгейін түсіндіргіміз келеді. Әрбір өндіріс табысты болу керек. Ал, табыстың кілті - еңбек пен ғылымға негізделген жаңа технология.

Қуаныш ҚАНАТҰЛЫ