Есірткі сатқандар құрықталды

Алматы облысының Көксу ауданында полицейлер арнайы мақсаттағы жасақ сарбаздарымен, ірі көлемде есірткі сатушыларды қолға түсірді. Жедел тексеру барысында 6 келіден астам қарасора және синтетикалық есірткі тәркіленді.

Ал, зертханалық сараптамадан кейін бұл есірткілердің улы екені анықталды. Мамандар қарасора құрамынан фенол ертіндісін тапқан. Алдын ала болжам бойынша, есірткі затын фенолға батырып, кейін кептіріп отырған.

Серік Үпиев, облыстық Полиция департаменті баспасөз қызметінің өкілі:

- Тәртіп сақшыларының көмегімен заңсыз айналымнан улы есірткі заттарының таралу жолы кесілді.

Қуаныш ҚАНАТҰЛЫ