БҚО-да тасқын қаупі күшейді

Жаңбыр жауып, қалың қар ери бастады. Синоптиктер өзендердегі су деңгейі көтерілуі мүмкін деп болжап отыр. Құтқарушылар сең кептелісін болдырмау үшін мұз кесуге кірісті. Бұл әдіс мұзды жаруға қарағанда, қоршаған ортаға қауіпсіз әрі тиімді.

Қазір Көшім, Деркөл, Шаған, Жайық өзендеріндегі мұз қалыңдығы 17-50 см аралығында. Қар тазалау жұмыстары да қатар жүруде. Қала бойынша 5 полигон толуға жақын. Қар төгетін тағы екі жерді белгілеу қарастырылып жатыр.

Мұрат Мұқаев, қала әкімі:

-Түнде жеке сектордан қар шығарып жатырмыз. Бұл - ескі қала аймағы. Қазіргі таңда 20 көшедегі қарды бір мезгілде шығарып жатырмыз.

Ардақ МҰРАТҚЫЗЫ