Жаңалықтарды Telegram арнамыздан оқыңыз!Партия төрағасының бірінші орынбасары Мәулен Әшімбаев Астананың бірнеше нысанын аралап, нәзік жандыларға сый-сияпат жасады.
Қыз-келіншектерді құттықтау №1 қалалық ауруханадан басталды. Мұнда 1100-ден аса қызметкер жұмыс істейді, жартысынан көбі – әйел. Антына адал олар күні-түні адам өміріне араша түседі. Елордадағы мамандандырылған балалар үйінің тәрбиешілері де мереке күні демалыссыз жұмыс істейді. «Нұротандықтар» олардың осы маңызды еңбегі үшін алғыс білдіріп, сый-құрмет көрсетті.
Мәулен Әшімбаев, «Nur Otan» партиясы төрағасының бірінші орынбасары:
- Осындай аналарымыздың парасаттылығы, даналығы тарихымызға алтын әріптермен жазылып қалды. Өздеріңізге денсаулық, амандық тілейміз.
Әйелдер мерекесінде көпбалалы аналар да назардан тыс қалмады. Мәулен Әшімбаев 7 баланы өсірген Нұрила Жетпісқызына арнайы барды. Сексеннің сеңгіріне шыққан әжей 18 немере, 10 шөбере сүйіп отыр.
Нұрила Байбатырова, көпбалалы ана:
- Жас отбасыларға, көпбалалы аналарға көмек көрсетілуде.
Нұрила әжейдің қызы Майра Қостаубайқызы да батыр ана, «Күміс алқа» иегері. Көпбалалы отбасы жуырда партия съезінде айтылған жағымды жаңалықтарды жылы қабылдап, үлкен қолдау болғанын айтады.
Шерхан ЖАМБЫЛҰЛЫ
