Жаңалықтарды Telegram арнамыздан оқыңыз!Оқыс оқиға. Павлодардағы Қазақстан электролиз зауытында 32 жастағы жұмысшы мерт болды. Ол электрик қызметін атқарған. Жазатайым жағдай кеше таңертеңгілік уақытта болды. Дәл осы кезде ақ қалайы тотығын балқытатын электролиз цехындағы кранды басқа жерге жылжыту жұмыстары жүріп жатқан. Марқұм жедел жәрдем қызметі жеткенге дейін жан тапсырды. Қазір Еңбек департаменті оқиғаның анық-қанығын тексеріп жатыр.
Асқар Қапанов, облыстық Еңбек департаментінің басшысы:
- Алдын ала айтылған деректерге қарағанда құрал-сайман салынған арба жылжып кетіп, электрикті соққан. Бірақ марқұмның нақты неден жан тапсырғанын тексерулерден кейін білетін боламыз. Ол үшін 10 күндей уақыт керек.
Болат АМАНБАЕВ
