ШҚО Күршім ауданы экомәдениетті қалыптастырмақшы

Шығыстағы Күршім ауданында экологиялық мәдениетті қалыптастыру мәселесі талқыланды. «Таза Қазақстан» жалпыұлттық бастамасы аясында өткен дөңгелек үстелге қырыққа жуық тұрғын қатысты. Жиында қоршаған ортаны қорғау, елді мекендердің тазалығын сақтау және жастардың табиғатқа деген жауапкершілігін арттыру жайы сөз болды. Биыл республика бойынша «Таза Қазақстан» акциясы аясында 1 миллион гектардан аса аумақ тазартылып, 844 мың тонна қоқыс шығарылған.

Бақытхан Өлмесеков, Күршім ауылының тұрғыны:

Таза Қазақстанның бастауы әркімнің өз ауласынан, екінші көшесінен, өзінің ауылынан, өзінің өлкесінен басталады. Міне биыл жаз бойы жастарымыз, ауыл балалары көшелеріміздің тазалықтарына ат салысты. Бұл өте ұнайды.