Қырғызстанда тас көшкіні салдарынан жоғалып кеткен қазақстандықтар іздестіріліп жатыр

Бұл туралы бүгін Сыртқы істер министрлігі хабарлады. Оқиға Скрябина мұздығы аймағында Бішкектен 40 шақырым жерде болған. Бір топ турист таудан құлаған тас астында қалып қойған. Зардап шеккендердің төртеуі - Қазақстан азаматы. Болжамдарға қарағанда, тауға шыққандардың біреуі қаза тапқан. Әзірге оқиғаның мән-жайы анықталып жатыр.

Айта кетейік, табиғи апаттан зардап шеккендерді құтқаруға еліміздің Төтенше жағдайлар комитеті өкілдері де қатысып жатыр. Туристерді эвакуациялауға елімізден тікұшақ та жіберілуі мүмкін.

Фариза МҰСАҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.