Солтүстік Қазақстан облысында «Қымыз фест» дәстүрлі фестивалі өтті

Шара аясында ұлттық ойындарымыз дәріптеліп, келушілерге қымыз, бауырсақ және басқа да ұлттық тағамдарымыз үлестірілді. Фестивальді тамашалауға келген меймандар қаз-қатар тігілген киіз үйлерге кіріп, қымыздың бірнеше түрінен дәм татты. Ұйымдастырушылардың айтуынша, жалпы бұл шарада 2 мың литр қымыз бен бір тонна бауырсақ таратылған. Арнайы мерекелік керуен көше бойымен жүріп өтті. Ұлттық ойындарға Ресейден келген қонақтар да қызыға атсалысты.

Бибігүл Нұрпейісова, қымыз өндіруші:

- Бүгінгі күні тойымызға қазақтың дастарханының сәні - қымыз сусынын әкеліп отырмыз. Қымыздың адамдарға пайдасы өте мол, ауыратын адамға шипа береді, кішкентай балаларға күш-қуат береді. Бауырсақ та әкелдік.

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.