Көкшетау техникалық институтын биыл бітірген 108 түлек лейтенант шенін алды

Еліміздегі азаматтық қорғаныс саласының жалғыз жоғары оқу орны Көкшетау техникалық институты 20-шы түлектерін шығарып салды.  Институт осы аралықта 4,5 мыңнан астам маман даярлап шығарған. Ал, биыл бітірген 108 түлектің барлығы лейтенант шенін алды. 4 жыл оқыған жас мамандар теориядан бөлек құтқару жұмыстарына әбден машықтанған. Мәселен, олар Атбасар қаласы мен Оразақ ауылын көктемгі ағын су басып қалғанда тәжірибелі құтқарушылармен иық тіресе бірге қызмет атқарды.

«ЭКСПО-2017» халықаралық көрмесі кезінде қауіпсіздікті қамтамасыз етуге де атсалысты. Бүгінгі түлектер қызмет ету үшін еліміздің барлық өңірлеріне жолданбақ. 

Бердібек Тұрсынбай, Көкшетау техникалық институтының түлегі:

- Алдағы уақытта біз Отанымызға адал қызмет етіп, Қазақстан халқын түрлі табиғи және техникалық апаттардан құтқарып, елімізге адал қызмет етеміз. 4 жыл ішінде бізге білім берген, әскери тәртіпке үйреткен профессорлық-офицерлік құрамға алғысымыз шексіз. 

Ермек ЕЛБЕРГЕН

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.