Жаңалықтарды Telegram арнамыздан оқыңыз!Көкшетауда бірнеше жаңа нысан қолданысқа берілді. Олардың бірі - 45 пәтерлі үй. Баспана кілттері «Тұрғын үй құрылыс жинақ банкі» салымшыларына үлестірілді.Бірнеше аудан орталығында да тұрғын үйлер тапсырылды. Ал, Көкшетауда жаңа неке сарайы жұмыс істей бастады. Құрылысы үш жылға жалғасқан нысанға 840 миллион теңгеге жуық қаржы жұмсалған. Осы уақытқа дейін неке қию рәсімі шағын ғимаратта өткізіліп келді. Зәулім сарайдың ашылу салтанатында бірнеше жұптың некесі қиылды.
Нұрлан мен Гүлім Байкеновтер:
- Бүгін жаңа неке сарайында некеміз қиылып жатқанына өте қуаныштымыз. Басқа да отбасыларға бақыт тілейміз және барлығын Тәуелсіздік мерекесімен құттықтағым келеді. Үлкен рахмет.
Ермек ЕЛБЕРГЕН
