Ғылымға қаржы көп бөлінгенімен, нәтиже аз

Елде ғылымға бөлінетін қаржы көбейгенімен, бірақ нәтиже аз. Саланы Жоғары аудиторлық палата төрағасы Әлихан Смайылов осылай деп сынға алды. Мәселені Құрылтай отырысында көтерді. Оның айтуынша, соңғы үш жылда ғылымға бөлінетін қаражат екі есеге көбейген. 122 миллиардтан 262 миллиард теңгеге дейін өскен. Бірақ ғылыми жаңалықтарды өндіріске енгізуге бизнес тарапынан сұраныс жоқ. Яғни зерттеу көп болғанымен, оның нақты өнімге айналуы баяу. Ғылымның экономикаға пайдасы тіптен аз. Қазір ғылымның жалпы ішкі өнімдегі үлесі небәрі 0,16 пайыздан әрі аспай тұр, - дейді.