Жаңалықтарды Telegram арнамыздан оқыңыз!«Цифрландыру жүйесі жүйелі жұмыс істеуі үшін Қазақстанның барлық ауыл-аймағын ғаламтормен қамтамасыз ету керек». Бүгін Астанада өткен интернет форумында вице-премьер Асқар Жұмағалиев осылай деді. Оның сөзінше, бүгінде Қазақстан электронды үкіметті дамыту бойынша 33 орында тұр. Яғни, онлайн құжаттарды алу мен тіркеу қызметін пайдаланатындардың саны күннен күнге артып келеді. Вице-премьер алдағы уақытта халыққа қағазбастылықсыз қызметтерді қолдану қолжетімді болатынын да жеткізді. Жалпы, форумды ұйымдастырушы - «Қазақтелеком» акционерлік қоғамы. Шара Ақпарат және байланыс министрлігінің қолдауымен өтті
Асқар Жұмағалиев, ҚР Премьер-министрінің орынбасары:
- Осындай кездесулердің арқасында цифрландыруды дамыта аламыз. Осы жоба аясында адами капиталды күшейтеміз. Инфрақұрылымды дамытуымыз керек. Жалпы, цифрлы экономиканың жемісі – интернетке тікелей байланысты.
Фариза МҰСАҚЫЗЫ
