Қызылорда облысы бойынша алимент өндіруге қатысты 8333 іс тіркелген

Осы уақытқа дейін оның 2,5 мыңы ғана орындалды. Ал, қалғанын өндіру қиын болып тұр. Себебі, өз баласынан бас тартқан безбүйрек әкелер жауапкершіліктен жалтарып, алимент төлеуге құлықсыз. Бұл сот орындаушыларға үлкен қиындық туғызады. Осындай ауыр еңбектері ескеріліп, биыл қараша айынан бастап жеке сот орындаушылардың алимент санатында атқарған істері үшін алатын қызмет ақысы көтерілді. Енді соған сәйкес, қызмет сапасы артып, көрсеткіш еселенбек. 

Жандос  Әбсат,  облыстық Әділет департаменті басшысы орынбасарының  міндетін атқарушы:

- Бұл Әділет министрлігі тарапынан, мемлекет тарапынан жеке сот орындаушыларды қолдау деп білеміз. 

Ақерке БЕРІКБЕКҚЫЗЫ