Жаңалықтарды Telegram арнамыздан оқыңыз!Қызылордада ерекше байқау өтті. Оған облыстағы орта оқу орындарында білім алатын мүмкіндігі шектеулі жастар қатысты. Таныстыру, өнер көрсету және қолөнер бағыттары бойынша өзара сынға түскендер арасынан үздіктер таңдалды. Қатысушылардың барлығы да талапты, өнерлі. Көзі көрмесе де, қол-аяғы икемге келмесе де, ешкімнен кем еместіктерін дәлелдеген студенттер барлық мүмкіндіктерін көрсетті.
Айжан Айтмамбетова, қоғамдық қор директоры:
- Қазіргі таңда облыста 2300-ге жуық мүмкіндігі шектеулі жастарымыз бар. Біздің мақсатымыз - оқу оқып, қатарластарынан артқа қалмай, білім алып жатқан оқушыларымызды көрсету. Яғни, олардың өздерінің бойындағы қасиеттерін, өнерге деген талпыныстарын ашу.
Ақерке БЕРІКБЕКҚЫЗЫ
