Жаңалықтарды Telegram арнамыздан оқыңыз!Батыс Қазақстан облысындағы «Чинарев» кен орнына 17 адам заңсыз жұмысқа алынған. Кәсіпорын олармен еңбек шартын жасамаған.
Тексеріс жүгізген еңбек инспекторлары осындай заңсыздықтарды анықтады. Кәсіпорын басшылығы жауапкершілікке тартылып, айыппұл төледі. Заңсыз жұмысқа алынғандар шетелдік емес, ел азаматтары. Еңбек шарты жасалып, 17 азаматтың барлығы заңды түрде жұмысқа алынды.
Әлия Теңізбаева, облыстық прокуратура басқармасының аға прокуроры:
- Тексеру нәтижесі бойынша еңбек инспекциясы бойынша басқармамен «AB Engineering» ЖШС ҚР Әкімшілік құқықбұзушылық туралы кодексінің 86-бабының 1-бөлігіне сәйкес әкімшілік жауапкершілікке тартылып, 136 140 теңге айыппұл салынды.
Ардақ МҰРАТҚЫЗЫ
