СҚО-да «Egov» порталын қолдануды оқушылар мектеп қабырғасынан үйренеді

Солтүстік Қазақстан облысының білім ордаларында информатика пәндерінің мұғалімдеріне осындай міндет жүктеліп отыр. Білім басқармасы, Мемлекеттік қызмет істері және сыбайлас жемқорлыққа қарсы іс-қимыл департаменті және Халыққа қызмет көрсету орталығы үш жақты меморандумға қол қойып, облыс бойынша 513 ұстазды «Egov» порталы бойынша оқытып жатыр.  Енді оқу жылының 2-ші тоқсанынан бастап оқушылар информатика сабағында 15-20 минуттан электрондық үкіметпен таныспақ.

Бүгінде «Egov» электрондық үкіметі порталы арқылы 400-ден астам мемлекеттік қызмет түрін алуға болады..

Мейрам Бектеміров, М.Жұмабаев атындағы мектеп-лицейдің информатика пәні мұғалімі:

 - Қазір барлық адамдар интернетте және түрлі құрылғыларда отырады. Қазіргі балалар ғаламтормен жұмыс істей алады. Сондықтан, біз бос уақытта балаларға түсіндіреміз және мұғалімдерге де порталмен жұмыс істеуді үйретеміз.

Самат САПАРАЛЫ