Мекенжай бойынша тіркелу жеңілдеді

Қарашаның бірінен бастап мекенжай бойынша тіркеу талаптары өзгеріп, жаңа механизм іске қосылады. Ішкі істер министрлігі, Әділет министрлігі және «Азаматтар үшін үкімет» корпорациясымен бірлесіп, азаматтарды тіркеудің оңай тәсілін ойлап тапты. Ол үшін ақпараттық жүйені біріктіріп, қанатқақты жобаны сынап та көрген. Енді жаңа жүйенің арқасында азаматтар мекенжай бойынша тіркелу үшін, баспанаға құқық белгілеуші құжаттар немесе жылжымайтын мүлікке тіркелген құқықтар туралы анықтаманы әкелмесе де болады. Барлық ақпарат жүйеге мекенжайдың тіркеу коды негізінде енгізіледі. Осылайша, барлық халыққа қызмет көрсету орталықтары ертеңнен бастап жаңа жүйемен жұмыс істейді.

Альбина ӘШІМ