Қазақ-қырғыз шекарасында заң бұзғандар анықталды

Біздің түсірілім тобы Қордай шекара бекетіндегі жағдайды бақылауда. Жағдай қалыпты. Алайда, мемлекеттік шекара заңын бұзған азаматтар да жоқ емес.

Қазақ-қырғыз шекара бекетінде ешқандай тосқауыл жоқ. Әрине, заңды өрескел бұзған азаматтар бар. Бұл жерде көбінесе көші-қон заңы көп бұзылады. Сенбі, жексенбі күндері жиырма дерек тіркелген. Бүгін біздің елге контрабандалық зат алып өтпек болған Қырғызстан азаматы ұсталды.

Қазір бекеттердегі шекарашылар ғана емес, ветеренариялық-фитосанитария қызметінің мамандары да өз жұмыстарын ережеге сәйкес атқарып жатыр.

Мирас МҰҚАШ