Өскемен билігі әлеуметтің әлжуаз топтарын арзан көмірмен қамтып жатыр

Мәселен, қалалық әкімшілік жазда «Қаражыра» серіктестігімен қатты отынды жеткізу туралы меморандумға қол қойған болатын. Арзандатылған бағамен шикізат алатындардың тізімі алдын ала бекітілген. Қазір келісілген 35 мың тоннаның 22 мыңға жуығы тұтынушыға таратылған. Шаруаның іске асу барысын қадағалап отырған қоғамдық бірлестік басшысы қалған көмір жуық арада жеткізіледі, - дейді.

Сергей Денякин,   Өскемен қалалық ардагерлер кеңесінің төрағасы:

 - Тамыз-қыркүйек айларында бәрі алаңсыз отырды.Тек қазан айында жаппай көмір іздей бастады. Дүрбелең содан барып пайда болды. Ал, негізі өзге аймақтарға қарағанда Өскеменнің жағдайы әлдеқайда жақсырақ. Арзан бағамен сатылатын көмірмен халықтың басым бөлігі қамтамасыз етіліп отыр. 

Зарина ҰЛЫҚБЕК