Астанада математика қоғамының VI конгресі басталды

Л.Н.Гумилев атындағы Еуразия ұлттық университетінде шымылдығын түрген шараға 250-ден астам шетелдік жетекші ғалым жиналды.

Үш жыл сайын дәстүрлі түрде өтетін конгресте математиканың күрделі тақырыптарына  арналған пленарлық баяндамалар мен секциялық отырыстар ұйымдастырылмақ. 

Конгресс басында сөз алған Қазақстан математикалық қоғамының президенті Бақытжан Жұмағұлов түркі тілдес елдер ғалымдарының арасындағы байланыстарды  кеңейту мен ақпараттық технология жетістіктерін  зерттеулерде тиімді қолдануға шақырды. Сондай-ақ, математиканы жетік меңгерген мамандардың тапшылығын жою мәселесі де назардан тыс қалмады.