Жаңалықтарды Telegram арнамыздан оқыңыз!Астананы газдандыру жобасы бойынша нақты шешім қабылданбады. Бұл туралы бүгін баспасөз мәслихатында Энергетика вице-министрі Мағзұм Мырзағалиев мәлімдеді.
Оның айтуынша, «аталған жоба бойынша техникалық-экономикалық негіздеме аяқталды. Бұған дейін, Қостанай облысынан Көкшетау арқылы Астанаға газ құбырын жеткізу пысықталған еді. Кейіннен Қызылорда облысынан Қарағанды, Теміртау арқылы елордаға дейін тарту қарастырылды.
Жобаның құны 200 млрд теңгеден асып отыр, яғни, бұл газ құбыры арзанға түспейтіні анық. Бұл тұрғыда біз тек магистральды желінің құрылысы туралы айтып отырмыз. Бұдан бөлек, газ құбыры жолындағы әрбір елді мекенді газдандыру да қомақты қаржыны талап ететін болады»,-деді вице-министр.
Азамат НҰҒЫМАНОВ
