Жамбылдықтардың қамбасына құйылған астық көлемі рекордтық көрсеткішке жетті

Биыл 1 млн. 200 мың тонна дәнді-дақыл жиналды. Бұл облыс аумағында бұрын-соңды болмаған нәтиже. Екі жылдан бері өңірде бидай тұқымының жаңа сұрпы өсіріліп келеді. Астық алқабына жаңа технологиялар енгізілді. Телегей табысқа кенелудің басты себебі де осы. Енді жергілікті билік қант қызылшасы, жүгері, соя алқаптарын ұлғайтуға ден қойып жатыр. Бүгін Орталық коммуникациялар қызметінде есеп берген облыс басшысы өңірдің даму барысымен таныстырып, болашақ жоспарларымен бөлісті. Бүгінде әсіресе, ауыл шаруашылығы саласында оң өзгерістер байқалады.

Шынар АСАНҚЫЗЫ