Еліміздің тыңайтқыш өнімдері экспортқа шыға бастады

Осы жылдың басында іске қосылған «SWISSGROW» компаниясының тауарларына сұраныс қазірден жоғары. Дәнді-дақыл мен бау-бақша өнімдерінің барлығына қажетті тыңайтқыш қазір осы зауытта дайындалады. Жылдық қуаты - 450 мың тонна. Тыңайтқыштар сұйық және құрғақ күйде Швейцарияның ең озық технологиясымен әзірленеді. Шикізаттың басым бөлігі де осы Еуропадан алынады. Барлығы 52 шикізат түрі болса, соның тек екеуі ғана қазақстандық өнім. Қазір зауытта 17 адам тұрақты жұмыс істейді. Өнім Қырғыз Республикасы мен Тәжікстанға экспортталады. Алдағы уақытта Ресей мен Украина нарығына шығу жоспары бар. Жобаның жалпы құны - 700 млн. теңге шамасында. Оның жартысы, яғни, жаңа технологияны ендіргені үшін мемлекет тарапынан берілді.

Ғабит ҰЗАҚБАЙ