Жаңалықтарды Telegram арнамыздан оқыңыз!Ақмола облысында апаттық жағдайда қонып отқа оранған тікұшақтың түнгі уақытта ұшуға рұқсаты болмаған. Бұл туралы бірнеше минут бұрын Азаматтық авиация комитеті төрайымының орынбасары міндетін атқарушы Тоты Әмірова айтты.
Оқиға бүгін түнгі сағат 00:40-та Ақмола облысына қарасты Ақкөл елді мекенінен батысқа қарай алты шақырым жерде болды. Негізінен борт Малоалександровка ауылынан Ақкөлге бет алған. Алайда, қонуға ыңғайланған кезде тікұшақ жерге құлдилай түскен. Салдарынан авиамеханик Балтуевтің денесін күйік шалып ауруханаға жеткізілген.
Штурвал тізгінін ұстаған Владимир Маньков және бақылаушы ұшқыш Байбосынов шұғыл ауруханаға жеткізілді.
Елдос САПАРҒАЛИ
