Жаңалықтарды Telegram арнамыздан оқыңыз!Оқиға Исатай ауданының Жанбай елді мекенінде болды. Кешкі жаттығудан келе жатқанда әскерилерді ауыл тұрғындарының бірі көлігімен қаққыштаған. Нәтижесінде бір әскери қызметкер жеңіл дене жарақатын алды. Оқиға орнындағы ұрыс-керістен соң застава командирінің орынбасары қол астындағы әскерилерді бөлімшеге қайтарып өзі тұрғындармен сөйлеспек болып қалады.
Алайда, сөзге тоқтамаған ауыл азаматтары жанжалды ушықтырған соң, командирдің орынбасары әскери бөлімшеге қашып құтылған. Заставаға жетіп, қарумен аспанға оқ атқан. Ашынған тұрғындар бөлімше қақпасының алдына келіп әскерилерге күш көрсетпек болады. Іс құзырлы органдардың бақылауына алынды.
Өнербек ЖАҢАБАЙ
