ЮНИСЕФ өкілдері балалардың ерте дамуын жетілдіру жайын талқылады

Балалардың ерте дамуын жетілдіру үшін білім,  денсаулық сақтау, әлеуметтік қамтамасыз ету салалары арасында байланысты жақсарту керек. Бұл бүгін ЮНИСЕФ ұйымы өкілдері мен еліміздің депутаттары, министрлік өкілдері  кездесуінде айтылды.

Отырыста Қазақстандағы балалардың дамуын  халықаралық стандарттарға сай жақсарту  мәселесі де талқыланды. Әсіресе, инклюзивті білім беру жүйесіне аса мән беру керек,- дейді сарапшылар.

Жалпы, ЮНИСЕФ ұйымы 6 жыл бойы балалардың ерте дамуы жөнінде түрлі зерттеулер жүргізген. Оның ішінде - Оңтүстік Қазақстан, Алматы облыстары тексерілді. Нәтижесінде, 2015 жылға дейін Қазақстанда мектепке дейінгі білім беруге  балалардың 70 пайызы қамтылған.

 Фариза МҰСАҚЫЗЫ