Шығыс Қазақстан облысында бекіре балығы өсіріле бастады

Шығыс Қазақстан облысындағы жаңа бекіре шаруашылығының жұмысы қарқын алды. Таяуда кәсіпорынға Алматыдан бекіре тұқымдас балықтың 1,5 тоннасы жеткізілді. Бұл - 2014 жылы басталған үлкен жобаны жүзеге асырудағы үшінші кезең. Бағалы балықты өсіруге арналған шаруашылық мемлекеттік қолдаудың арқасында салынған.

Ұлан ауданында орналасқан кәсіпорында аналық балықтарды өсіріп, көбейту үшін барлық мүмкіндік бар. Балықтардың жемін беру, суды жылыту, тазарту жұмыстарының  барлығы автоматты түрде атқарылады. Ал, келер жылдан бастап кәсіпорын жылына  45 тонна бекіре балығының етін өндіруге бекініп отыр.