Аңшылық маусымы ашылды

Қыркүйек айынан бастап күзгі және қысқы аңшылық маусымы басталады. Ел аумағында аулауға болатын 34 сүтқоректі мен 59 құстың түрі белгіленген. Олардың қатарында өсу қарқыны жоғары саналатын аю, марал, Сібір тау ешкісі, елік, қабан мен жабайы жыл құстары бар.

Ал, саны күрт азайып кеткен дала тағысын атуға тыйым салу жұмыстары күн тәртібіне қойылды. Бұл туралы Ауыл шаруашылығы министрлігінің мамандары ақпарат берді. Саятшылық кезеңі келер жылдың 15 - ақпанына дейін жалғасады.

Сәбит ӘЛДЕБАЙ