Алматы халықаралық әуежайында заңсыз құжатпен ұшпақ болған  6 адам ұсталды

Алматы халықаралық әуежайында заңсыз құжатпен ұшпақ болған  түркиялық алты азамат ұсталды. Олар Қазақстанның әуе жолы арқылы Еуроодақ елдеріне өтіп кетуді көздеген. Осы оймен еліміздің шекарасын қиып өтуге әрекет еткен.

Алайда, «Алматы» шекара бақылау бөлімшесінің жасағы Тбилиси-Алматы бағытындағы әуе рейсін тексеру барысында жолаушылардың құжаттарынан жалған белгілер анықтаған. Сондықтан, олар күдікті ретінде қамауға алынды. Ал, қазір осы іске қатысты тексеру жұмыстары жүріп жатыр.

Нұрлан АСҚАРҰЛЫ