Астанада жыл басынан бері кәмелеттік жасқа толмаған балалардың қатысуымен 51 жол-көлік оқиғасы тіркелген

Оның 27-і жолдың белгіленбеген жерлерінен өту салдарынан болған. Балғындар түрлі дене жарақатын алып,  біреуі көз жұмды. Осы орайда Ішкі істер департаментінің мамандары жаңа оқу жылының басталуын ескеріп, бастауыш сынып оқушыларының қатысуымен «Назар аударыңыз – балалар!» атты жедел алдын алу шарасын өткізді.

Акция аясында бүлдіршіндер жаяу жүргіншілер жолының ережесімен танысты. Қызықты викториналық ойындар ұйымдастырылып, түсіндіру қағаздары таратылды.