Жаңалықтарды Telegram арнамыздан оқыңыз!Елімізде өткен ғасырдың 90-шы жылдарының басынан бері 15 шахтада жарылыс болған. Солардың ең ірісі – 2006 жылғы қыркүйектің 9-ы күні Қарағанды облысының Шахтинск қаласындағы «Ленин» шахтасындағы апат. Техникалық қауіпсіздіктің сақталмауынан метан жарылып, 41 адам көз жұмды.
Қайғылы оқиғадан кейін 6 қызметкер жауапқа тартылды. Қара жамылған отбасылардың әрқайсысына 1,5 миллион теңге көлемінде көмек көрсетілді. Бұл шахта «АрселорМиттал Теміртау» компаниясына тиесілі.
2008 жылы Қарағанды облысының «Абай» шахтасында болған жарылыс та ел тарихындағы адам шығыны көп болған апат ретінде тіркелді. Жабындыны төсеу кезінде техникалық ережелер бұзылып, салдарынан ұшқын пайда болды. Метанның жарылуынан 30 кенші қаза тапқан еді.
Бақытжан ОМАР
