Орал кәсіпорындарында қарапайым жұмысшылар жетіспейді

Мәселені шешу үшін басқа өңірлерден жұмыс күшін тарту керек. Бұл ұсыныс Жайық өңіріне барған Парламент Мәжілісінің депутаты Шавхат Өтемісовтің еңбек ұжымдарымен кездесуінде айтылды.

Ағаш ұсталары, тас қалаушылар, темір шеберлері, дәнекерлеушілер –  қат мамандықтар. «Бұл түйткілді жұмыссыздық мәселесі өткір тұрған оңтүстік өңірлерден жастарды шақыру арқылы шешуге болады», - дейді депутат. Елбасының жалпыға бірдей тегін кәсіптік білім беру бағдарламасының түпкі мақсаты да осы. Кездесуде сондай-ақ, өндіріс орындарының бас ауруына айналған - тендер мәселесі де көтерілді. Мемлекеттен тұрақты тапсырыс бар. Бірақ, оларды сапалы жүзеге асыру үшін тендерде көрсетілген мерзім қолбайлау болып отыр.

Ардақ МҰРАТҚЫЗЫ