Жаңалықтарды Telegram арнамыздан оқыңыз!«Түрлі мүмкіндіктер әлемі». Бұл - мүгедек балалардың ата-аналары бірлесіп ашқан қоғамдық бірлестік. Құрылғанына бір жыл ғана болған ұйымның жеткен жетістігі көп. Оларға жан-жақтан көмек көрсетушілер көбейді. Мәселен, Астанадағы бір спорт кешені мүмкіндігі шектеулі балаларға жүзу алаңын тегін беріпті. Бірнеше ай бойы жүзуді үйреніп жүрген олар өз нәтижелерін көрсетті. Ал, бақылаушы Паралимпиада ойындарының чемпионы Әнуар Ахметовтың өзі болды. Дені - сал ауруына шалдыққандар. Ал, мұндай балғындарға физикалық қозғалыстың, соның ішінде суда жүзудің пайдасы зор. Жүзуді әбден меңгерген оларға ерекше құрмет көрсетілді. Ал, балғындар түрлі мүмкіндікке ие болғандарына мәз.
Сәуле АЛДАМҰРАТҚЫЗЫ
