Алматыдағы ұшақ апатынан қайтыс болған студентке қаржылай көмек көрсетілді

Алматыдағы ұшақ апатынан қайтыс болған Азаматтық авиация академиясының студенті Айдар Әбішевтің отбасына 1 миллион теңге көлемінде материалдық көмек көрсетілді. Бұл туралы аталған академияның проректоры Шәміл Берішев айтты. Естеріңізде болса, 10-тамыз күні «Технам 2002» ұшағы Алматыдан 43 шақырым жерде құлап, 2 азамат қайтыс болған еді. Бірі Азаматтық авиация академиясының курсанты Айдар Әбішев, екіншісі Украина азаматы, нұсқаушы-ұшқыш Сергей Курченко. Қазірде оның да жақындары Киевтен келген. Марқұмның мәйітіне әлі де ДНК тексеру жүріп жатыр. Сараптама аяқталған соң марқұмның денесін Украинаға жеткізу шығындарының барлығын академия төлейді. 

Амангелді СЕЙІТХАН