Қызылордада жұмыс орындарының жәрмеңкесі өтті

Бұл жолғы шараның ерекшелігі - алғаш рет мемлекеттік органдардағы бос лауазымдарға   ұсыныстар жасалды. 137 жұмыс орны бойынша азаматтардан түйіндеме қабылданды. Оның 20-ы - басшылық қызмет, 6 лауазым - құқық саласы бойынша болса, 20 орын - сот орындарына тиесілі. Жәрмеңкеге жалпы, 30 мекеме қатысты. Мәселен, облыстық қылмыстық атқару жүйесі департаментіне тіс дәрігері, фтизиатр, хирург, терапевт мамандар қажет. Сондай-ақ, ағылшын тілі, орыс тілі, физика, химия, математика пәндерінің мұғалімдеріне сұраныс жоғары. Білімі мен біліктілігі сәйкес келетін осы мамандықтың иелері мен әкімшілік қызметке жолдама алғандарға арнайы кеңестер берілді.  

Ақерке БЕРІКБЕКҚЫЗЫ