Жаңалықтарды Telegram арнамыздан оқыңыз!Прокурорлар енді қағазбастылықтан арылуы мүмкін. Яғни, қадағалаушы орган қызметкерлеріне қылмыстық істерді толтыру үшін тек компьютер ғана қажет болады. Бүгін еліміздің Бас прокуратурасында қылмыстық істердің электрондық жобасы таныстырылды. Электронды жүйе енгізілген жағдайда, қылмыстық істі бұрмалауға жол берілмейді. Істер жоғалмайды, қызметкерлер қажетсіз, артық қағаздардан құтылады, 100 шақты құжаттың шаблоны болғандықтан, іс тез тергеліп, жедел қаралады. Сараптама күшейіп, жәбірленуші, айыпталушы, адвокат істің қалай қаралып жатқанын кез келген уақытта онлайн режимде қарай алады. Пилоттық жоба елімізде 15-тамыздан бастап жыл соңына дейін жүргізіледі.
Айбар ТӨЛЖАНҰЛЫ
