Қазақстанға ылғалды ауа райы келе жатыр

Қазгидрометтің хабарлауынша, еліміздің барлық аумағына ылғалды ауа келе жатыр. Сондықтан, кей өңірлерде нөсер жаңбыр мен бұршақ жауып, қатты жел тұруы мүмкін. Синоптиктердің айтуынша, еліміздің солтүстік және шығыс аумақтарында ауа температурасы +12, +17 градусқа дейін төмендеуі ықтимал. Ал, Батыс өңірлерде желдің ұйытқуы секундына 15-20 метрге дейін күшейеді. Батыс пен оңтүстікте +23 +28, кей аумақтарда +33 градус болады деп болжанып отыр. Алдағы күндері Алматыда да күн сәл салқындайды. +24 градус болады. «Ал, елордада ауа температурасы +23-тен +17 градусқа түсуі ықтимал», - дейді мамандар.