Ұлттық статистика жүйесі бағаланды

Халықаралық статистикалық үш ұйым еліміздегі статистика қызметіне бақылау жүргізіп, өз нәтижесін жариялады. Жаһандық бағалаудың басты мақсаты - белгілі бір уақытта нақты бір мемлекеттің хал-ахуалына қатысты аймақтық статистикаға баға беру. Осындай талдаулар арқылы елдер экономикалық әлеуетін сараптап, алдағы жоспарларының бағыт-бағдарын нақтылай алады.

Шетелдік сарапшылар біздегі мамандардың кәсібилігі мен құқықтық құрылымдардың жұмысы жақсара түскенін аңғарған. Статистика туралы заң халықаралық деңгейге жақындап, мемлекеттік органдар статистикалық көрсеткіштерге жиі сүйене бастапты. Сондай-ақ, мамандар статистика жүйесінде ашықтық болуы үшін тәуелсіз агенттік құруға кеңес беруде.