Сыртқы істер министрлігі Мысырға ұсталған қазақстандық азаматтарға қатысты наразылық нотасын жіберді

Бұл туралы бүгін ведомство баспасөз қызметінің жетекшісі Әнуар Жайнақов мәлімдеді. Оның айтуынша, қазақстандық студенттер ұсталғаннан бері тура 12 күн өтті. Десе де, Мысыр биілігі әлі күнге дейін оларға қатысты қандай да бір нақты ақпарат бермеген. Ведомство студенттердің ұсталу себебі былай тұрсын, тіпті, қазіргі хал-жағдайынан да хабарсыз болып отыр. Ал, Мысыр тарапымен жүргізілген келіссөздерден әзірге еш нәтиже шықпады.

Осы себепті, Қазақстан «Мысыр тарапынан мәселенің мән-жайын түсіндіріп, өңірдегі Елшілік өкілдерінің студенттермен байланысуына мүмкіндік беруін батыл түрде талап етеді»,- деді ол.

Айдана ҮСЕНБАЙ