Қазақстандық 19 жастағы студент қыз Аққу Еренбек Қытай шекарасында ұсталды

Бұқаралық ақпарат құралдарында тарап кеткен осындай ақпаратты Сыртқы істер министрлігі растамай отыр. Аталмыш мекеменің баспасөз қызметінің басшысы Әнуар Жайнақовтың айтуынша, ол қыз Қазақстан азаматы емес.

Бұдан бөлек, Мысырға тіл үйрену курсына оқуға барып, ұлттық қауіпсіздік қызметі қамауға алған 6 Қазақстан азаматы туралы да ақпарат әзірше жаңарған жоқ. Белгілісі, олар дін аман, өмірлеріне және денсаулықтарына қауіп төніп тұрған жоқ. Сыртқы істер министрлігі 6 студентке көмек көрсету бағытында жұмыс істеп жатыр.

Оңғар АЛПЫСБАЙҰЛЫ