Мәжіліс депутаты дәрігерлермен кездесті

Елімізде медицина саласы мейлінше дамып келеді. Бұл туралы алматылық дәрігерлермен өткен кездесуде Мәжіліс депутаты Гүлжан Қарағұсова айтты. Оның сөзінше, қазір соңғы үлгідегі аппараттармен жабдықталған кез келген емхана халыққа қажетті ем-дом жасай алады. Сондай-ақ, ақ халаттылардың да біліктілігі артып келеді. Бұған олардың үнемі тәжірибелерін жетілдіріп, шетелдік әріптестермен тығыз байланыс орнатуы себеп. Мәселен, депутат жүздескен №12 қалалық емхана ұжымы бүгінде 60 мыңнан астам адамға тегін медициналық көмек көрсетеді. Медициналық сақтандыру жүйесі  бойынша мұнда тіркелгендер де көп.