Екі шенеуніктің пара алғаны әшкереленді

Оңтүстік Қазақстан облысы бойынша ревизиялық комиссиясының төрағасы С.Шалабай мен бас аудитор Б.Құдияровтың 7 миллион теңге пара алғаны әшкере болды. Күдікті комиссия төрағасы С.Шалабай ІІД уақытша ұстау изоляторына жабылды. Ал, бас аудитор Б. Құдияров қылмысын толықтай мойындауына байланысты қамалған жоқ, - деп хабарлады сыбайлас жемқорлыққа қарсы іс-қимыл Ұлттық бюросының баспасөз қызметіндегілер. Қазір сотқа дейінгі тексеру жүргізіліп жатыр.

Айта кетейік,  пара алды деген күдікпен қолға түсіп, қамауға алынған С. Шалабай 2016 жылы 30 қыркүйек күні тексеру комиссиясының төрағасы лауазымына тағайындалған болатын.

Нұрлан ӘЛІМБАЕВ