ЕЭО елдерінің азаматтары тегін емделе алады

Бұдан былай Еуразиялық экономикалық одақ елдерінің еңбек мигранттарына Қазақстанда тегін медициналық көмек көрсетіледі. Ол үшін уақытша жұмыс істеп жүрген азамат жергілікті кәсіпорынмен арадағы еңбек келісімшартын көрсетіп, міндетті медициналық сақтандыру парақшасын алуы тиіс. Бұл мәселені Мәскеу-Бішкек-Астана қалаларының арасында өткен бейнебайланыс кезінде бірнеше елдің сарапшылары бірлесе талқылады.

Мамандардың айтуынша, Қазақ елінде мұндай мүмкіндікті негізінен қырғыз мигранттары пайдаланады. Ал, Ресейде мұндай тәжірибе бірнеше жылдан бері бар. Осылайша, енді Еуразиялық экономикалық одақ елдерінің арасында тауар мен қызмет түрлерінің ғана емес, жұмыс күшінің де қозғалысы  жеңілдейді. 

Нұртас СОЛТАНҰЛЫ