Бүгін - халықаралық тұтқындардың құқығын қорғау күні

Бұдан былай түрмеден шыққан азаматтар қоғамға қайта бейімдеу бағдарламасы бойынша арнайы мамандардың қабылдауынан өтеді. Негізінен ол психологиялық бейімдеу, жұмыс орындарымен қамтамасыз ету және білім беру бойынша жүргізіледі. Халықаралық Нельсон Мандела күніне орай, Астанада өткен жиында осы мәселелер айтылды. Тұтқындардың құқықтарын қорғауға бағытталған бұл күн 2009 жылдан бері аталып өтеді.

«100 нақты қадам - ұлт жоспарының» 33-ші қадамына сәйкес, елімізде пробация институтының 4 моделі де енгізілген. Яғни, тұтқыннан босаған адамды жаңа өмірге толық бейімдеу. Бұл шара 2017-2019 жылдарға арналған «кешенді стратегияны» жүзеге асыру жоспары аясында ұйымдастырылды.